ზამთრის მოსამზადებელი სამუშაოების დაწყების გამო ქალაქის მასშტაბით მომხმარებლებს ელექტროენერგიის მიწოდება სამუშაო დღეებში 10:00-დან 17:00 საათამდე დროის მონაკვეთში შეეზღუდება.

პროფილაქტიკური და სარემონტო სამუშაოების თარიღი და დრო საინფორმაციო საშუალებებით გამოცხადდება.

გარდა არსებული მოწყობილობების შეკეთებისა, საინვესტიციო პროგრამით გათვალისწინებულია ახალი საკაბელო ტრასების გაყვანა, სატრანსფორმატორო ჯიხურების სარეზერვო კვებით უზრუნველყოფა, სატრანსფორმატორო ჯიხურების და საკვანძო ქვესადგურების გამანაწილებელი მოწყობილობების რეკონსტრუქცია, ასევე ძალოვანი ტრანსფორმატორების კაპიტალური შეკეთება. აღნიშული სამუშაოების დასრულების შემდეგ დედაქალაქის ელექტრომომარაგება საგრძნობლად გაუმჯობესდება.

2014-1015 წლების შემოდგომა-ზამთრის სეზონისთვის თბილისის ელექტროქსელის მოსამზადებელი სარემონტო სამუშაოების დაწყებასთან დაკავშირებით ბრიფინგი ენერგეტიკის მინისტრის მოადგილემ ირაკლი ხმალაძემ და “თელასის“ ტექნიკურმა დირექტორმა ვახტანგ ქინქლაძემ გამართეს.