სტუდენტი ბექა ცხადაძე ავრცელებს ინფორმაციას იმის შესახებ, რომ კინოთეატრ ამირანში სექსუალურ უმცირესობებთან დაკავშირებით ფილმ „ჩემი საბნის ნაკეცის“ პრემიერა შედგა. ცხადაძე ამასთან დაკავშირებით განცხადებას ავრცელებს.

„სააგენტო „ექსპრესნიუსი“ ავრცელებს ინფორმაციას, რომ 20 ივნისს “კინოთეატრ „ამირანში“ პირველი ქართული გეი ფილმის, სახელად „ჩემი საბნის ნაკეცი“-ს დახურული ჩვენება გაიმართა. ფილმში მთავარ როლს თორნიკე ბზიავა, თორნიკე გოგრიჭიანი და ავთანდილ მახარაძე თამაშობენ. რეჟისორმა ზაზა რუსაძემ ფილმი 2011 წელს გადაიღო, ხოლო ფილმის პრემიერა 2013 წლის თებერვალში ბერლინის 63-ე საერთაშორისო კინოფესტივალზე შედგა. გავრცელებული ინფორმაციით აღნიშნული ფილმი საქართველოს კინემატოგრაფიის ეროვნულმა ცენტრმა დააფინანსა.

თბილისის კინოთეატრების მენეჯმენტის გადაწყვეტილებით, დღეიდან ფილმის ჩვენება მხოლოდ კ/თ ამირანში 22:30 საათზე იქნება და ისიც მხოლოდ რამდენიმე დღის განმავლობაში.

ფილმის ჩვენებაზე დასასწრები ბილეთები იყიდება swoop.ge-ზე, 45 პროცენტიანი ფასდაკლებით. პროდუქტის აღწერაში არ არის მითითებული, რომ ეს არის გეი ფილმი, ნათქვამია მხოლოდ ის, რომ ფილმის გმირი, ახალგაზრდა მამაკაცი დიდი ხნის შემდეგ მშობლიურ პატარა ქალაქში ბრუნდება და ცდილობს, აქ არსებული საზოგადოების ცხოვრების წესსა და მისდამი დამოკიდებულებას დაუპირისპირდეს. აღნიშნული ფაქტი მიზნად ისახავს საზოგადოების შეცდომაში შეყვანად, რათა სეანსებზე რაც შეიძლება მეტი ადამიანი მივიდეს.

დარჩენილია 2 სეანსი, 21 და 22 ივნისს. აღნიშნულის გათვალისწინებით, მოქალაქეთა ჯგუფი, კინოთეატრის შესასვლელთან, 22:00 საათიდან მოქალაქეებს მივაწვდით დეტალურ ინფორმაციას ფილმის შესახებ, რათა გამოირიცხოს მომხმარებლის შეცდომაში შეყვანა და შესაბამისად ერთსქესიანი ურთიერთობების პროპაგანდა“, - აცხადებს ბექა ცხადაძე.