საფრანგეთის ეროვნული ნაკრებისა და მიუნხენის „ბაიერნის“ ლიდერ ფრანკ რიბერის საქმეები ბოლო პერიოდში სახარბიელოდ ნამდვილად არ მიდის. ჯერ იყო და ფრანგი „ოქროს ბურთის“ გარეშე დარჩა, რაზეც წყენა ნამდვილად არ დაუმალავს, შემდეგ კი ტრავმამ ბრაზილიის 2014 წლის მსოფლიო ჩემპიონატის მიღმა დატოვა.

31 წლის ნახევარმცველმა გადაწყვიტა დრო არ დაკარგოს და შვებულება იბიცაზე გაატაროს. პაპარაცებს, რა თქმა უნდა, არ გამოპარვიათ მისი დასვენების კადრები და დააფიქსირეს, სანაპიროზე მეგობრებთან ერთად მარიხუანით როგორ ერთობა საუკეთესო ფრანგი ფეხბურთელი.

ერთ-ერთ სურათზე კარგად ჩანს, თუ როგორ ეწევა მარიხუანას „უჩუმრად“ პირსახოცგადაფარებული რიბერი.

წყარო: reportiori.ge