ბათუმში დაკარგული 20 წლის ბექა გოგიტიძე, დღეს დილით ახლობლებმა, ბებიის საფლავზე იპოვეს.

როგორც გარდაცვლილის ნათესავ აცხადებს, ბექამ თავი ჩამოიხრჩო.

"სავარაუდოდ, ეს ამბავი მეგობარ გოგოს უკავშირდება. წინა დღეს სოციალურ ქსელში სტატუსი შეცვალა, ჩემთვისაც მოწერილი ჰქონდა SMS, ეტყობა ნასვამი იყო, არეული ტექსტით მომწერა, რომ ჩემს დას, ანანოს მიმიხედეო. დღეს დილით კი ბებიას საფლავზე ვიპოვეთ",- აცხადებს გოგიტიძის ახლობელი.

გარდაცვლილს ამ დროისთვის ექსპერტიზა უტარდება.

შეგახსენებთ, 20 წლის ბექა გოგიტიძეს ახლობლები 17 ივნისიდან ეძებდნენ. გოგიტიძე თურქეთში ქალაქ ქემალფაშაში მუშაობდა. სამუშაოს დასრულების შემდეგ, მან საზღვარი 17:50 საათზე გადმოკვეთა და მას შემდეგ ოჯახს აღარ დაკავშირებია.

წყარო: საინფორმაციო სააგენტო News.ge