უცნაური ფაქტი დაფიქსირდა წყალტუბოს რაიონში. სოფელ ჩუნეშის ადგილობრივები ირწმუნებიან, რომ მათ „ვიღაც“ ქვებს უშენს. მსგავსი ვითარება სამი დღის წინ შეიქმნა. ერთ-ერთ ოჯახს ვიღაც ქვებს უშენდა, რის შემდეგაც მაცხოვრებლებმა სასულიერო პირს სახლის კურთხევა სთხოვეს, კურთხევის შემდეგ სასულიერო პირმა განაცხადა, რომ "დამნაშავე" შესაძლოა გარდაცვლილი ოჯახის უფროსის სული იყოს.

როგორც „ნიუპოსტს“ ადგილობრივმა განუცხადა, მესამე დღეა სამართალდამცავები დამნაშავის დაკავებას ცდილობენ, თუმცა ჯერჯერობით უშედეგოდ.