სტეფანე „სექსიმბოლო არა მგონია ვიყო“

საზოგადოება - 16:48, 19 Jun, 2014

2034

რატომ არ ჩანს სტეფანე სცენაზე, რას ნანობს მომღერალი და რა გახდა ძალიან წარმატებული პროექტის სტეფანეს და გოგოების დაშლის მიზეზი. სტეფანემ ამასთან დაკავშირებით მძიმე კაცთან სტუმრობისას ისაუბრა და ბევრ სხვა საინტერესო კითხვასაც უპასუხა: „ ძალიან ჩამოუყალიბებელი ადამიანი ვარ და ამიტომ დღის და წუთების მიხედვით ხდება ჩემთვის ყველაფერი“- განაცხადა მომრერალმა.

- დღევანდელი საქართველოს საუნტრეკი რა უნდა იყოს?

- ძალიან რთული შეკითხვაა, ჩვენი საუნტრეკი? ალბათ - ეს ეკლესია რა დიდებულია.

- რატომ სჯიან ასე იმ ადამიანებს, რომლებიც მარიხუანას ეწევიან საქართველოში?

- ეს არის არალოგიკური ადამიანების მიერ დათესილი აგრესია. უცოდინრობის , გაუნათლებლობის გამო... არა აქვთ შესწავლილი ეს თემა. ჰგონიათ, რომ ეს არის ჩვეულებრივი მძიმე ნარკოტიკი.

- როგორ უნდა შეიცვალოს ეს მიდგომა?

-ძალიან ლიბერალურად უნდა მიუდგნენ ამ ყველაფერს. დიდი იმედი მაქვს რომ ამ მხრივ საქართველოში დამოკიდებულება შეიცვლება.

- ქართული შოუბიზნესის სექს სიმბოლო ვინ არის?

- თუ საქართველოში შოუბიზნესი არსებობს, ძალიან სქსუალურია ქრისტინე, რატომაც არა. მსოფლიო სექს სიმბოლო ალბათ რიჰანა უკიდურესად სექსუალურია.

- შენ თუ ხარ სექსუალური?

-არვიცი, ყოველი ჩვენთაგანი ვიღაცისთვის ალბათ სექსუალურია, მაგრამ სექსსიმბოლო არა მგონია ვიყო.

-სტეფანე და სამი გოგო, რატომ დასრულდა ასე მალე? თითქოსდა წარმატებული პროექტი იყო.

-თითქოსდა არა, მართლა წარმატებული იყო. გვქონდა ძალიან წარმატებული ტური და საკმაოდ სერიოზული შემოთავაზებები. მაგრამ სამწუხაროდ ჩვენ ოთხმა ერთმანეთს ვერ გავუგეთ. ხდებოდა გაჭედვები ხოლმე გოგოების მხრიდან, არ მოვალ გადაღებაზე, ან კლიპზე, ძალიან მძიმე ხასიათები გვქონდა ოთხივეს. მე ერთ-ერთი პროდიუსრი ვიყავი ამ პროექტის და ბოლოს მივხვდი რომ ძალიან მიჭირდა და უნდა დასრულებულიყო. შეიძლება დღეს ვნანობ კიდეც, მაგრამ ჩვენმა რთულმა ხასიათებმა მიგვიყვანა დაშლამდე, თორემ თვითონ პროექტი არ დამთავრებულა წარუმატებლად.

-შენ თვითონ რატომ არ ჩანხარ სცენაზე?

-მე კი არა, არც არავინ არ ჩანს. რაც შეეხება მუსიკას, რა მუსიკის კეთებაც მინდა, ის რომ ავტვირთო, იმას შეიძლება სულ ათასი ნახვა ჰქონდეს, და შეიძლება ვიღაცამ გიტარაზე „ჩამოაფანდუროს“ და ჰქონდეს მილიონი ნახვა.