რა აკავშირებს სოფო სააკაშვილს ბერა ივანიშვილთან -

რა აკავშირებს სოფო სააკაშვილს ბერა ივანიშვილთან - ''1 წლის განმავლობაში ვხვდებოდით ერთმანეთს''

საზოგადოება - 20:21, 12 Jun, 2014

13238

მაყურებელმა სოფო სააკაშვილი პროექტ ''X ფაქტორიდან'' გაიცნო. გოგონა საოცარი ვოკალური მონაცემებითა და სასიამოვნო გარეგნობით მალე პოპულარული გახდა. თუმცა, ეთერში შემოსული ზარების რაოდენობით თუ ვიმსჯელებთ, ცნობილი დედის, მომღერალ, მაია ყარყარაშვილის ქალიშვილს სხვა ბევრმა კონკურსანტმა აჯობა. სოფო პროექტის დატოვებიდან ორჯერ მისმა მენტორმა, სტეფანემ იხსნა. გოგონა არც ჟურნალისტებს დარჩენიათ ყურადღების მიღმა. მან არაერთი ინტერვიუ მისცა პრესას, თუმცა არ უთქვამს, რომ ერთი წლის განმავლობაში ბერას მუსიკალურ სტუდიაში ემზადებოდა. ეს ინფორმაცია ექსკლუზიურად მოვიპოვეთ და სოფოს რამოდენიმე კითხვა დავუსვით.

- სოფო, ჩვენი ინფორმაციით, რომ შენ ერთი წლის განმავლობაში ბერას სტუდიაში სწავლობდი...
- კი, მართალია. ჩემთან ერთად სწავლობდა ნინა სუბლატიც.
- ეს ამბავი არც ერთ ინტერვიუში არ გითქვამს, ''რეიტინგთან'' ინტერვიუში ამბობდი, რომ სიმღერის კუთხით გამოცდილება არ გაქვს.
- გააჩნია, რას გულისხმობთ გამოცდილებაში. მე ვთქვი, რომ ''X ფაქტორის'' მსგავს პროექტებში არ მიმიღია მონაწილეობა. ბერას სტუდია, ''ლეიბლი'' არის სასწავლო ცენტრი და არა დიდი სცენა.
- როგორ გახსენდება ეს პერიოდი, რა გამოცდილება მიიღე და რამდენად გადგება დღეს კონკურსზე?
- არაჩვეულებრივი პერიოდი იყო. ამერიკელი პედაგოგები მყავდა, ქორეოგრაფი, ვოკალის პედაგოგი. ბევრი რამ ვისწავლე ამ ცენტრში.
- პირადად თუ იცნობ ბერას?
- რა თქმა უნდა, ვიცნობ. მაშინ, ერთი წლის განმავლობაში ვხვდებოდით ერთმანეთს.
- დღეს თუ გგულშემატკივრობს, რა ინფორმაცია გაქვს?
- ნამდვილად არ ვიცი. რაც სწავლა დავამთავრე, მას მერე კონტაქტი აღარ გვაქვს. იმედია მგულშემატკივრობს.