წარმატებული სადემონსტრაციო პროექტი სენაკში

ბიზნესი & ეკონომიკა - 18:44, 12 Jun, 2014

2674

საქართველოს სოფლის მეურნეობის მინისტრის პირველი მოადგილე ოთარ დანელია დამინისტრის მოადგილედავით გალეგაშვილი, გაეროსა და საქართველოს მთავრობის წარმომადგენლებთან ერთად სენაკის მუნიციპალიტეტში იმყოფებოდნენ, სადაცგაეროს ლტოლვილთა უმაღლესი კომისარიატის (UNHCR) და გაეროს განვითარების პროგრამის (UNDP) მიერ განხორციელებულ დევნილებისა და ადგილობრივი მოსახლეობის ხელშეწყობის პროგრამასგაეცნენ, ფერმერთა საინფორმაციო-საკონსულატაციო ცენტრი და ინოვაციური, ეკოლოგიურად სუფთა სათბურები მოინახულეს.

როგორც ,,ნიუპოსტს" სამინისტროდან აცნობეს, სენაკში გამართულ ღონისძიებას ესწრებოდნენ გაეროს ხელმძღვანელი საქართველოშინილს სკოტი, გაეროს ლტოლვილთა უმაღლესი კომისარიატის (UNHCR) წარმომადგენელი საქართველოშისიმონე ვოლკენი,საქართველოს განათლებისა და მეცნიერების მინისტრის პირველი მოადგილექეთევან ნატრიაშვილიდა საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის მოადგილემამუკა ცოტნიაშვილი.

2013 და 2014 წლებში ფერმერთა საკონსულტაციო, ექსტენციის ცენტრში პრაქტიკული დახმარება აქ 700-ზე მეტმა ფერმერმა მიიღო. ცენტრი ადგილობრივი ფერმერებისთვის ტრენინგებს მართავს და თანამედროვე ტექნოლოგიებისა და მიმართულებების შესახებ საჭიროინფორმაციას აწვდის. ცენტრის დახმარებით, განხორციელდა 30-მდე სადემონსტრაციო პროექტი, რომელთა დანიშნულებაა სოფლის მეურნეობაში თანამედროვე ტექნოლოგიების დანერგვა.

ერთ-ერთი ყველაზე წარმატებული სადემონსტრაციო პროექტია სენაკის მუნიციპალიტეტში მდებარე ინოვაციური სათბური, რომელიც შოთა მესხიას სახელობის ზუგდიდის სასწავლო უნივერსიტეტთან თანამშრომლობით ხორციელდება. ენერგოეფექტური სათბური ფუნქციონირებისთვის ენერგიის ჰიბრიდულ სისტემას - გეოთერმულ და მზის ენერგიასიყენებს. სათბური გადახურულია პოლიკარბონატით - მდგრადი და ეკონომიური მასალით, რომელიც შესანიშნავ თბოიზოლაციას უზრუნველყოფს. ტრადიციულ სათბურებთან შედარებით, ასეთი სათბური 60 პროცენტით ნაკლებ ელექტროენერგიას მოიხმარს. ხოლო სათბურში გეოთერმული ენერგიის გამოყენება საქართველოსთვის ინოვაციური მიდგომაა.

აღნიშნული თანამედროვე, ინოვაციური სათბურით სარგებლობას მცირე ფერმერები, მეტწილად დევნილები და პროფესიული სასწავლო ინსტიტუტების აგრარული პროფილის სტუდენტები შეძლებენ. სათბურში პრაქტიკული სწავლება 50-ზე მეტმა სტუდენტმაუკვე გაიარა.