რიკოთის უღელტეხილზე საავტომობილო მოძრაობა შეუფერხებლად ხორციელდება. რეგიონული განვითარებისა და ინფრასტრუქტურის სამინისტროს ინფორმაციით, რიკოთზე საავტომობილო მაგისტრალის გარკვეულ უბანზე ძლიერი წვიმის შედეგად წყალმა მთის ფერდობებიდან ხის ტოტები ჩამოიტანა, თუმცა ამის გამო საავტომობილო მოძრაობა არ შეფერხებულა.

მათი ცნობით, შემთხვევის ადგილზე იმყოფებოდნენ საგზაო დეპარტამენტის წარმომადგენლები, რომლებმაც აღნიშნული გზის უბანი გაასუფთავეს და დამტვრეული ხის ტოტები გაიტანეს. შესაბამისად, რიკოთზე ავტომობილები შეუფერხებლად გადაადგილდებიან.