"ჯორჯიან უოთერ ენდ ფაუერი" წყალმომარაგების ძველ სააბონენტო დავალიანებაზე განცხადებას ავრცელებს.

კომპანია აბონენტებს მიმართავს, დაუყოვნებლივ შეამოწმონ სააბონენტო ბარათზე დარიცხული გადასახადი სწრაფი გადახდის ტერმინალებში, ინტერნეტ-ბანკინგის მეშვეობით ან ბანკების ფილიალებში.

"მიმდინარე წლის 9-10 ივნისს, „ჯორჯიან უოთერ ენდ ფაუერის“ თბილიში მცხოვრები აბონენტების ნაწილმა, რომელსაც, როგორც წესი, 23 ივნისამდე უწევს გადასახადის დაფარვა, მიიღო ერთიანი კომუნალური ქვითარი, რომელშიც GჭP-ის გრაფა, პრაქტიკულად ცარიელია - ტექნიკური ხარვეზის გამო, ქვითარში არ არის ასახული წყალმომარაგების მიმდინარე გადასახადი და აღრიცხვის კვანძის მოწყობის (გამრიცხველიანების) საფასურის ყოველთვიური პორცია.

„ჯორჯიან უოთერ ენდ ფაუერი“ ბოდიშს უხდის თავის აბონენტებს გარკვეული დისკომფორტისთვის და აქვე თხოვნით მიმართავს, დაუყოვნებლივ შეამოწმონ სააბონენტო ბარათზე დარიცხული გადასახადი სწრაფი გადახდის ტერმინალებში, ინტერნეტ-ბანკინგის მეშვეობით ან ბანკების ფილიალებში, იმისთვის, რომ აბონენტებმა წყალმომარაგების გადასახადის დაფარვა მოახერხონ დროულად - არაუგვიანეს 23 ივნისისა“, - აცხადებენ კომპანიაში.