სოფი სააკაშვილმა მოახერხა და დარბაზი და ჟიურის წევრი გოგონები ფეხზე წამოაყენა. მაგრამ სანამ იმღერებდა გიორგი გაბუნიას საკმაოდ კრიტიკული შეფასება ჰქონდა, თუმცა ამჯერად მომღერალზე მეტად ტელეწამყვანის „მათრახი“ სოფის მენტორს ანუ სტეფანეს გადასწვდა.

გიორგი გაბუნია: „ვფიქრობ, რომ მენტორმა აუცილებელია ყურადრებით შეარჩიოს რეპერტუარი, ეს არის ერთ-ერთი მიზეზი, რის გამოც მაყურებელი ბოლომდე ვერ ღებულობს სოფი სააკაშვილს“.

სოფის გამოსვლისა და დარბაზის ოვაციების შემდეგ, არც სტეფანეს კომენტარს დაუყოვნებია.

სტეფანე: „გიორგის ვუპასუხებ რეპერტუართან დაკავშირებით, ერთი ბრძნული გამონათქვამი არსებობს, - ყველამ თავის მამიდას მიხედოსო, ჰოდა მიხედოს გიორგიმ თავის რეპერტუარს... ჩემი გუნდი წინა კვირას გახდა ყველაზე სალაპარაკო, იქედან გამომდინარე რომ გოგონებმა დახიეს ისე იმღერეს. სოფი კი ყველანაირად გამართული მომღერალია, რომელსაც კონკურენტი არ ჰყავს. სოფი სააკაშვილი რა კუთხით უნდა დაამარცხოს ვინმემ არ მესმის!“

„ჩემს მამიდას რაღას ერჩის?“- გაკვირვებით იკითხა გიორგი გაბუნიამ. ხოლო სოფი ასე შეაფასა: „რეპერტუიარი ამჯერად ნამდვილად უკეთესი იყო და შენი შესაძლებლობებიც უკეთ გამოვლინდა“.