,,მერაბ კოსტავას საზოგადოების“ წევრი ვაჟა ადამია 7 ივნისს გაურკვეველ ვითარებაში გაუჩინარდა

შემთხვევა - 21:00, 09 Jun, 2014

5048

,,მერაბ კოსტავას საზოგადოება“ ორგანიზაციის წევრის ვაჟა ვარლამის ძე ადამიას გაუჩინარებასთან დაკავშირებით საგანგებო განცხადებას ავრცელებს.

,,ამა წლის 7 ივნისს სახლიდან გავიდა და დღემდე უგზო-უკვლოდაა გაუჩინარებული მერაბ კოსტავას საზოგადოების ხაშურის ორგანიზაციის ღვაწლმოსილი წევრი, ხაშურის პოლიკლინიკის ყოფილი მთავარი ექიმი ვაჟა ვარლამის ძე ადამია. მივმართავთ ყველას, ვინც ფლობს რაიმე ინფორმაციას ვაჟა ვარლამის ძე ადამიას ადგილ სამყობელის შესახებ, დაუყოვნებლივ დაგვიკავშირდნენ შემდეგ

ტელეფონებზე: (032) 2983901; (032) 2983914; 551258224.

მერაბ კოსტავას საზოგადოება დაბეჯითებით მოუწოდებს პრემიერ ი.ღარიბაშვილსა და სამართალდამცავ ორგანოებს, დაუყოვნებლივ გაატარონ ქმედითი ღონისძიებები

უგზო-უკვლოდ გაუჩინარებულ ვაჟა ვარლამის ძე ადამიას ადგილ სამყოფელის დასადგენად“, - ნათქვამია მერაბ კოსტავას საზოგადოების პრესსამსახური მიერ გავრცელებულ განცხადებაში.

"ნიუპოსტი" აღნიშნულთან დაკავშირებით "მერაბ კოსტავას საზოგადოების" თავჯდომარეს დაუკავშირდა.

"7 ივნისს გავიდა სახლიდან ექვს პირთან ერთად, საბაღე ნაკვეთში აპირებდა წასვლას. ხუთი პირი უკან დაბრუნდა, თუმცა მათი თქმით, ბატონი ვაჟა მათ გზაში ჩამორჩათ. გაურკვეველია რა შეიძლებოდა მომხდარიყო. იმ რაიონს, სადაც ბატონი ვაჟა ცხოვრობდა რუსების მიერ კონტროლირებადი ტერიტორია ესაზღვრება და შეიძლება ვიფიქროთ, რომ ის დააკავეს. შესაძლოა გამომდინარე იქიდან, რომ მეც ვაჟა ადამია ვარ და ისიც, ვინმეს ჩემში აერია და რამე დამართეს. მასთან ერთად მყოფი 2 პირი ამ დროისთვის დაკითხვაზეა და ალბათ დამატებითი დეტალები მოგვიანებით გახდება ცნობილი", - განაცხადა ვაჟა ადამიამ.