„თუკი შარდით განისაზღვრება ადამიანის კრიმინალური სტატუსი, მაშინ ჩვენ მოგიტანთ ჩვენს შარდს შესამოწმებლად“, - აცხადებენ დეკრიმინალიზაციის მომხრენი და დღეს, 9 ივნისს საღამოს 8 საათზე კანცელარიასთან მორიგ აქციას უკვე შარდით გეგმავენ.

ამჯერად აქციის გამართვის სურვილი პოლიციის კერძო სახლში დახურულ წვეულებაზე „შეჭრამ“, 16 ახალგაზრდის დაკავებამ და ნარკოლოგიურში შემოწმების მიზნით გადაყვანამ განაპირობა.

აქციის მონაწილეთა განცხადება

„საღამოს რვა საათზე (20:00), ყველა მივდივართ კანცელარიასთან, მიგვაქვს ქილით შარდი და ვალაგებთ კანცელარიის წინ. მარტივი აქციაა და ნუ დაგეზარებათ, რადგან ხელისუფლება არათუ არ აპირებს ნარკოპოლიტიკის გადახედვას, არამედ უკვე სახლებში გვივარდება“.

ამ განცხადებას თან მოჰყვება ინსტრუქციაც

მეგობრებო მინდა ზუსტად დავწერო როგორ უნდა მოვიქცეთ:

1. აფთიაქში 45 თეთრი ღირს სპეციალური კონტეინერი შარდისთვის. კონტეინერით უფრო იოლია ტრანსპორტირება.
2. ვშარდავთ კონტეინერში და ზუსტად საღამოს 8 საათზე (20:00), მოვდივართ კანცელარიასთან. მნიშვნელოვანია რომ ვიყოთ ზუსტად 8 საათზე. 30 წუთი ვჩერდებით ანუ 8:30 წუთამდე რომ დაგვიანებით მოსული ადამიანი არ აღმოჩნდეს მარტო.
3. მოსვლისთნავე კანცელარიის წინ ვდებთ კონტეინერს.
4. 8:30 წუთზე ვტოვებთ კანცელარიის ტერიტორიას. (სასურველია თუ მოხვალთ მეგობართან ერთად).
4. ვისაც არ გაქვთ პრობლემა, შეგიძლიათ ქილას დააწეროთ სახელი (ეს სავალდებულო არაა), ან რაიმე კონკრეტული მესიჯი პრემიერისთვის.
5. თუ სადმე მეგობრების კედელზე ამ თემაზე ნახავთ პოსტს, კომენტარში ჩაუგდეთ ივენთის ლინკი, რომ რაც შეიძლება მეტნი ვიყოთ.
6. მადლობა რომ ხართ, მადლობა რომ ასეთი კარგები ხართ, მადლობა რომ გაქვთ სოლიდარობის განცდა. ჩვენ ყველა ერთად აუცილებლად მივაღწევთ მიზანს!!!!