ჟიურის შეფასებით, პირველი ადგილის მფლობელი 92 ქულით ცეცხლოვანი იასენია და ლევანი გახდნენ. ხოლო აუტსაიდერებად დასახელდნენ - მიშა მესხი და ჯულიანა ბარგნარი, ნინი ნებიერიძე და ოთო ფოლადაშვილი.

მაყურებლის საბოლოო გადაწყვეტილებამდე კი ყველაზე დაბალი ქულის მფლობელს გია ჯაჯანიძემ სიურპრიზი გაუკეთა. მან კონკურსანტს საჩუქრად ულამაზესი საათი გადასცა. ამ საჩუქრის მფლობელი კონკურსის ყველაზე ლამაზი მონაწილე ნინი ნებიერიძე გახდა.

საბოლოოდ კი „ცეკვავენ ვარსკვლავების“ დატოვებაც ნინის და ოთოს მოუხდათ. გია ჯაჯანიძის სიურპრიზის გარდა კონკუსგარეთ დარჩენილები ანრი ჯოხაძემაც დაასაჩუქრა. მომღერალმა მათ ჯითიეი ჯგუფის სახელით ორკაციანი საგზური გადასცა. ნინი და ოთო ივლისში ანტალიაში გაემგზავრებიან.