ეროვნული სამეცნიერო ბიბლიოთეკა ახორციელებს პროექტს - "მწვანე წიგნომანი", რომლის მიზანია, ახლგაზრდობას გაუღვივოს ინტერესი ქართული მწერლობისადმი.

თბილისის 7 სკოლის გუნდი წარმოადგენს თავის პრეზენტაციას მისთვის საინტერესო ქართველი მწერლის შემოქმედების შესახებ. 8 ივნისს 14 საათზე, მათ შეაფასებს კომპეტენტური ჟიური, გამოავლენს გამარჯვებულს და დააჯილდოვებს.

ეროვნული სამეცნიერო ბიბლიოთეკის პროექტი „მწვანე წიგნომანი“ დაიწყო 10 აპრილს და 8 ივნისს დასკვნით ღონისძიებაზე წარსდგებიან თბილისის კერძო და საჯარო სკოლის მოსწვლეები, რომლებიც პრეზენტაციის სახით წარმოადგენენ მათ მიერ შერჩეული ავტორისა და ნაწარმოების ანალიზს, მათ დამოკიდებულებას და ხედვას შერჩეული ნაწარმოებისა და ავტორის მიმართ. ღონისძიებას დაესწრებიან განათლების სამინისტროს წარმომადგენლები, თბილისის სახელმწიფო უნივერსიტეტის ადმინისტრაცია, პრესა, სხვადასხვა რეგიონიდან ჩამოსული სტუმრები და სხვა.

კონკურსი "მწვანე წიგნომანი" სამეცნიერო ბიბლიოთეკამ წიგნიერების წელთან დაკავშირებით წამოიწყო, მოსწავლეების აქტიურობის გაზრდის მიზნით. კონკურსში ამ ეტაპზე 7 სკოლა მონაწილეობს მომავალი წლიდან კი იგი რეგიონთაშორის სახეს მიიღებს.

კონკურსის ფარგლებში მოსწავლე შეიყვარებს წიგნთან ურთიერთობას, გაიზრებს და ახალი თვალით დაანახავს თანამედროვე ბიბლიოთეკას, როგორც კომუნიკაციის, ინფორმაციის მოძიებისა და გაცვლის საუკეთესო საშუალებას, უკეთ გაიცნობს ქართულ მწერლობას და ორიგინალური კუთხით დაინახავს მათ ნაწარმოებებს, მიეჩვევა კვლევას, კრეატიულ აზროვნებას. კონკურსი დაეხმარება სკოლებს აღმზრდელობით–საგანმანათლებლო პროცესში.