2014 წლის 5 ივნისს, 12:00 საათზე, სასტუმროში “Radisson Blu Iveria”(ვარდების რევოლუციის მოედანი 1) „ახალგაზრდა ექსპერტთა კლუბი“ და „ახალგაზრდული ინიციატივებისა და სამოქალაქო განვითარების აკადემიური ცენტრი“გამართავს მედია პროექტის „ახალგაზრდული პრესკლუბი“პრეზენტაციას.

პროექტი ხორციელდება სსიპ „ბავშვთა და ახალგაზრდობის განვითარების ფონდის“ ფინანსური მხარდაჭერით. პრესკლუბის მიზანია ხელი შეუწყოს ახალგაზრდებისათვის მედია გარემოს გაუმჯობესებას და ახალგაზრდების ინფორმირებულობის დონის ამაღლებას.

პრესკლუბი აგრთვე ხელს შეუწყობს ახალგაზრდული ორგანიზაციებს, საინიციატივო ჯგუფებს შორის დემოკრატიულ დიალოგს, მათი აზრის გამოხატვისათვის შესაბამისი სივრცისა და საზოგადოებასთან ეფექტური საკომუნიკაციო არხების შექმნას.

„ახალგაზრდულ პრესკლუბში“ გაიმართება ახალგაზრდული ორგანიზაციების პრეს-კონფერენციები, თემატური დისკუსიები, ინტერნეტ გადაცემები, საჯარო განხილვები ახალგაზრდულ ორგანიზაციებს შორის, მოწვეული სტუმრის ფორმატში სხვადასხვა სფეროს ექსპერტები, საჯარო და სამოქალაქო სექტორის წარმომადგენლები ახალგაზრდებს მიაწოდებენ ინფორმაციას ქვეყანაში მიმდინარე რეფორმების შესახებ, ახალგაზრდულ პროგრამებზე და გაუზიარებენ საკუთარ გამოცდილებას.

პროექტის ფარგლებში შექმნილია ვებ-გვერდიyouthpressclub.ge, რომელზეც განთავსდება ინფორმაცია პრესკლუბში განხორციელებული ღონისძიებების შესახებ, სიახლეები ახალგაზრდებისათვის აქტუალურ საკითხებზე, აგრეთვე გაშუქდება ახალგაზრდული ორგანიზაციების მიერ ჩატარებული აქტივობები.

პრეზენტაციას დაესწრებიან და დამსწრე საზოგადოებას სიტყვით მიმართავენსპორტისა და ახალგაზრდობის საქმეთა მინისტრის მოადგილე რატი ბრეგაძე და სსიპ „ბავშვთა და ახალგაზრდობის განვითარების ფონდის“დირექტორი, ირაკლი ჟორჟოლიანი.

ღონისძიებას დაესწრებიან აკრედიტირებული უნივერსიტეტების ადმინისტრაციისა და სტუდენტური ორგანიზაციების წარმომადგენლები, ექსპერტები, ჟურნალისტიკის ფაკულტეტის სტუდენტები, მედია და ახალგაზრდული ორგანიზაციები.