კანონის დარღვევისთვის აზერბაიჯანის მოქალაქე დააჯარიმეს

შემთხვევა - 15:15, 03 Jun, 2014

1503

კანონის დარღვევისთვის აზერბაიჯანის მოქალაქე დააჯარიმეს. როგორც შემოსავლების სამსახურში აცხადებენ, გუშინ დაახლოებით 23:00 საათზე, საბაჟო გამშვები პუნქტის "წითელი ხიდის" ტერიტორიაზე, აზერბაიჯანის მხრიდან შემოვიდა მსუბუქი ავტომანქანა, რომელსაც აზერბაიჯანის მოქალაქე ჯ.ა. მართავდა.

იმის გამო, რომ მგზავრს რამდენიმე საათით ადრე TAX-FREE-ის გამოყენებით ექსპორტზე გატანილი ჰქონდა დიდი ოდენობით მობილური ტელეფონი, მებაჟე-ოფიცრებს ეჭვი გაუჩნდათ.

დეტალური დათვალიერებისთვის ავტომანქანა სპეციალურ ანგარში გადაიყვანეს, სადაც აღმოჩნდა, რომ სავარძლის საზურგეებში, ძრავის განყოფილებაში (კერძოდ, ჰაერის ფილტრებში) და საბარგულში (ე.წ. "ჩეინჯერში") დამალული იყო თAX-FღEE-ის გამოყენებით გატანილი 10 ცალი ტელეფონი, ერთი ცალი პლანშეტური კომპიუტერი და ტელეფონის აქსესუარები კერძოდ: 16 ცალი დამტენი, 16 ცალი საყურისი და ერთი ცალი ელემენტი.ექსპერტიზის დასკვნის თანახმად, აღნიშნული საქონლის ღირებულებამ შეადგინა 3467,03 ლარი.

საგადასახადო კოდექსის 289-ე მუხლის მე-10 ნაწილის თანახმად, აზერბაიჯანის მოქალაქე დაჯარიმდა არადეკლარირებული, დამალული საქონლის ღირებულების 100%-ის ოდენობით და სანქციის სახით შეეფარდა ჯარიმა 3467,03 ლარი.