"შერატონ მეტეხი პალასში" ფონდმა "ევროპული ინიციატივა - ლიბერალური აკადემია თბილისი" მეორე შუალედური ანგარიშის პრეზენტაცია გამართა. პრეზენტაციის სახელწოდება "იმიგრაციის გავლენა მიწის გასხვისებასა და სოფლის მეურნეობის განვითარებაზე საქართველოში"გახლავთ.

კვლევის ფარგლებში ეკონომიკურ და სამართლებრივ შეფასებებთან ერთად საერთაშორისო გამოცდილებაზე დაყრდნობით წარმოდგენილია პრობლემის გადაჭრის გზები და რეკომენდაციები ხელისუფლებისთვის.

"ლიბერალურმა აკადემიამ" ჩაატარა კვლევა, რაც გულისხმობდა შესწავლას, თუ რა გავლენა აქვს იმიგრაციას მიწის გასხვისებასა და სოფლის მეურნეობის განვითარებაზე საქართველოში. ბევრი კონფლიქტური სიტუაცია შეიქმნა, განსაკუთრებით ბოლო პერიოდში საქართვლეოში ადგილობრივ მოსახლეობასა და უცხოელ ინვესტორებს შორის მიწის გასხვისებასთან დაკავშირებით. ადგილობრივები აპროტესტებდნენ უცხოელების შემოსვლას. მათთვის უცნობი იყო გასხვისების ფაქტი, მათ მიაჩნდათ, რომ ეს მიწები ეკუთვნოდათ და სახელმწიფომ არ დაიცვა მათი ინტერესები და მიწების გასხვისებით ისინი დატოვა სარჩო-საბადებლის გარეშე. ჩვენ ჩავატარეთ კვლევა და აღმოჩნდა, რომ ხშირად საუბარია სწორედ იმ მიწებზე, რომელიც იყო ერთადერთი საშუალება ამ ადამიანების ოჯახების გამოსაკვებად. იყო შემთხვევები, აღმოჩნდა, რომ თვითმმართველობაც კი, ხშირ შემთხვევაში, საქმის კურსში არ იყო. ასევე მიწის ფასი იყო ხშირ შემთხვევაში, არაადეკვატურად დაბალი.

დღეს მორატორიუმია გამოცხადებული მიწის გასხვისებაზე და აუცილებელია სახელმწიფომ მიიღოს გარკვეული გადაწყვეტილება, დავბრუნდეთ იმ სამართლებრივ რეჟიმში, რომელშიც ვიყავით, თუ რაიმე ახალს შევთავაზებთ. ჩვენ უნდა მეტად შევისწავლოთ დასავლური გამოცდილება, სადაც გარკვეული შეზღუდვები არსებობს", - განაცხადა ლაშა ტუღუშმა.