ურეკის სანაპიროს მიმდებარე ტერიტორიაზე ზღვაში 27 წლის დავით ლომაძეს ეძებენ. აჭარის საგანგებო და გადაუდებელი სიტუაციების მართვის ცენტრში აცხადებენ, რომ ზღვაში სამძებრო ღონისძიებები გუშინ 18:00 საათზე დაიწყო, თუმცა ძებნა ამ დრომდე უშედეგოდ მიმდინრეობს. მამუკა ლომიძე ზღვაში გუშინ ორი ადამიანის საშველად შევიდა, თუმცა თავად ზღვიდან გამოსვლა ვეღარ შეძლო.

"გუშინ, 18:00 საათზე 112-დან შემოვიდა შეტყობინება, რომ ურეკში ზღვაში დაიხრჩო 27 წლის დავით ლომაძე, რომელმაც ორ ადამიანს უშველა, თვითონ კი ვეღარ შეძლო ზღვიდან გამოსვლა, სანაპიროდან ტალღამ ჩაითრია და დაიკარგა", - აღნიშნა აჭარის საგანგებო და გადაუდებელი სიტუაციების მართვის ცენტრის უფროსმა მამუკა თურმანიძემ.

სამაშველო ჯგუფები და კატარღები ზღვაში ამ დრომდე მუშაობენ.