„კაზანტიპი“ ტარდება ანაკლიაში, საქართველოში და ვისაც უნდა, წამოვიდეს, ვისაც არ მოსწონს, ტრ**ი დააყენოს“, - ამის შესახებ ე.წ. კაზანტიპის რესპუბლიკის პრეზიდენტმა განაცხადა.

მისი თქმით, ინფორმაცია იმის შესახებ, რომ აგვისტოში კაზანტიპის ფესტივალი ანაკლიაში არ ჩატარდება, გამოგონილია, ხოლო ვინ ატარებს ყირიმის ნახევარკუნძულზე კაზანტიპის სახელით სხვა ფესტივალს, არ იცის და არც აინტერესებს:

„კაზანტიპი გეოგრაფიული სახელწოდებაა და მის გამოყენებას მე ვერავის ავუკრძალავ. რაც შეეხება სოფელ პოპოვკას, ვინ ატარებს იქ კაზანტიპის სახელით ფესტივალს, არ ვიცი და არც მაინტერესებს. წელს ჩვენ ანაკლიაში მივდივართ და იქ უზარმაზარი პოტენციალია: 9 კმ სიგრძის სანაპირო, უამრავი სცენა, ოტელები, ესპანელი არქიტექტორის მიერ მოწყობილი ბულვარი, ფასები კი ისეთია, რომ პოპოვკას არცდაესიზმრება - მაგ სოფლის მცხოვრებლებს ადრეც ვაფრთხილებდი, რომ ფასებზე ცეცხლი არ წაეკიდებინათ, წარმოგიდგენიათ, ზოგიერთი ბინა მანდ დღე-ღამეში 1.500 დოლარი ღირს... მაშინ როცა ანაკლიაში არის კერძო სექტორი, სტუმართმოყვარე ხალხით, 15 დოლარში შეგიძლიათ ჩაეტიოთ, თავისი კვებით.

შესაძლოა, ჩვენ გადამეტებული წარმოდგენა გვაქვს ქართველთა სტუმართმოყვარეობაზე, მაგრამ საქართველოს მთავრობის შეთავაზებას ხელიდან ვერ გავუშვებდი, ამიტომაც, ვისაც უნდა, წამოვიდეს. ვისაც არ უნდა, დარჩეს და მონიტორზე ნახოს, რა მოხდება, შემდეგ წელს მოუნდება წამოსვლა.

რაც უკრაინაში იქნება, ეს არის კაზანტიპის ნახტომი მომავალში, საქართველო არ მოგწონთ? შევხვდებით კამბოჯაში, ან კოსტა-რიკაში... ჩვენ გავქვს საკმარისი ფინანსები, რათა კონტაქტები დავამყაროთ და ამ მხრივ უკვე ვმუშაობთ.

ანაკლიაში არის კერძო საცხოვრებელი სახლები, არის ოტელები, ხოლო მათ, ვისაც საერთოდ არ უნდა ფულის დახარჯვა, სტადიონზე, კარვებში შეუძლიათ იცხოვრონ - ახალგაზრდობისას რომ ფული არ გქონდეს, ამაში გასაკვირი არაფერია.

რატომ არ უნდა მოსწონდეთ ანაკლია, ვერ ვხვდები: ეს არის ადგილი, სადაც პოლიციელი გიღიმის, და ნაცვლად იმისა, ჯიბეები ამოგატრიალებინოს და ხელები გადაგიგრიხოს, გეკითხება, რა სახის დახმარება შეუძლია გაგიწიოს. კიდევ ბევრგანაა ასეთი ადგილები?

მას შემდეგ, რაც ყირიმის ნახევარკუნძულის დატოვება გადავწყვიტეთ, ძალიან ბევრი ადამიანი რუსეთიდანაც დაგვიკავშირდა, დარჩენის წინადადებით. მე პოპოვკაში მხოლოდ გლობალური, ფედერალური პროექტის სახით დავაბრუნებ კაზანტიპს, სხვაგვარად იქ მხოლოდ ცეკვის მოედნების გამო დაბრუნებას აზრი არა აქვს“, - ამბობს ბიზნესმენი, კაზანტიპის ე.წ. რესპუბლიკის პრეზიდენტი ნიკიტა პირველი, იგივე ნიკიტა მარშუნოკი.

მარშუნოკი ანაკლიაში ვიზის მიღების მსურველებზეც საუბრობს და ამბობს, რომ უკრაინელი გოგოებისთვის გათვალისწინებული უფასო ვიზები შენარჩუნებულია, ხოლო ნარკოდილერებზე მკაცრი კონტროლი დაწესდება:

„პირადად მე დავაწესე პრიზი ნარკოდილერების დაკავებისთვის: თუ დიდ დილერს მომიყვანენ, 10.000 დოლარს ვიხდი, თუ მცირეს - 3.000 დოლარს. წლებია ეს ასეა, მაგრამ არავინ მოუყვანიათ. პირადად მე ნარკოტიკის წინააღმდეგი ვარ, თუმცა, საჯაროდ ვამბობ, რომ თუ ჯანმრთელობისთვის სასარგებლო ნარკოტიკები გამოვა, პირადად მე დავიწყებ მის ჭამას დიდი კოვზით“.

წყარო: skandal.ge