დუშეთის რაიონში ძლიერმა წვიმამ და ქარიშხალმა ბულაჩაურში რამდენიმე სახლს სახურავი მოხადა. სტიქიის შედეგად დაზიანდა ელექტრო გადამცემი ხაზები, რის გამოც ანანურისა და გრემისხევის რამდენიმე სოფელს, ასევე სოფელ ბულაჩაურს ელექტრო ენერგია არ მიეწოდებოდა. უხვმა ნალექმა პრობლემები შექმნა ასევე ცენტრალურ მაგისტრალზეც. ადგილზე გვიანობამდე მიმდინარეობდა გაწმენდითი სამუშაოები. ამ დროისთვის მაგისტრალზე მოძრაობა აღდგენილია.