ვაკეში გუშინ მომხდარ უბედურ შემთხვევასთან დაკავშირებით ახალი ვერსია ვრცელდება, რომლის თანახმადაც შრომის ქუჩაზე ერთერთი საცხოვრებელი კორპუსის მე-12 სართულიდან 15 წლის გოგონა გადმოხტა, შესაძლოა გადმოვარდა. არასრულწლოვანის დედა კორპუსის მიმდებარე ტერიტორიაზე იმყოფებოდა, მომხდარის ხილვის შედეგად იგი შეუძლოდ გახდა და გონება დაკარგა. დედას სამედიცინო პერსონალმა დახმარება ადგილზევე აღმოუჩინა, გოგონა გარდაიცვალა.

თუმცა მეზობლები გავრცელებულ გავრცელებულ ვერსიას ადასტურებენ. მათი თქმით, მე-12 სართულიდან 15 გოგონა გადმოხტა, ამის შემხედვარე აივნიდან დედაც გადმოხტა, თუმცა ის მეზობლის აივანზე დაეცა და გადარჩა, ხოლო გოგონა ადგილზე გარდაიცვალა.

შეგახსენებთ, რომ დღეს გავრცელებული ინფორმაციის თანახმად, დედა-შვილი ერთერთი საცხოვრებელი კორპუსის მეთორმეტე სართულიდან გადმოხტა.

როგორც „ნიუპოსტს“ შინაგან საქმეთა სამინისტროს პრესსამსახურში განუცხადეს, საგამოძიებო მოქმედებები დაწყებულია საქართველოს სისხლის სამართლის კოდექსის 115-ე მუხლით, რაც პირის თვითმკვლელობამდე მიყვანას გულისხმობს. დანაშაული ისჯება თავისუფლების შეზღუდვით ვადით სამ წლამდე ან თავისუფლების აღკვეთით ვადით ორიდან ოთხ წლამდე.