"დიდ ქალაქებში ვირუსული მენინგიტის შემთხვევებმა იკლო, ხოლო რეგიონებში კლების ტენდენცია ჯერ არ შეინიშნება“, - ამის შესახებ ჯანდაცვის მინისტრმა დავით სერგეენკომ განაცხადა.

მისი ინფორმაციით 400 ინფიცირებულიდან 200 უკვე სახლში გაწერეს.

„შემთხვევების კლება უკვე გამოკვეთილია. ქუთაისში უკვე გამოიკვეთა კლების ტენდენციები, ასევე ბათუმშიც, თუმცა რაიონებში ჯერჯერობით კლების ტენდენცია არ არის. თუმცა მცირდება ჰოსპიტალიზირებული პაციენტების რაოდენობა“,- განაცხადა დავით სერგეენკომ.

მინისტრის თქმით, დაწყებითი კლასის მოსწავლეების სწავლის გაგრძელების საკითხი, ვითარების სრულად გაცნობის შემდეგ გადაწყდება.