რეჟისორი ლევან ანჯაფარიძე „ქრონიკასთან“ საუბრისას კულტურის სამინისტროს წინააღმდეგ მწვავე განცხადებას აკეთებს და სამინისტროსთან ერთად კოლეგებსაც აკრიტიკებს. რეჟისორი ქვეყანაში მიმდინარე მოვლენებს თეატრს და კინოს ადარებს. მისი თქმით, ახალი ხელისუფლების მოსვლის მიუხედავად ქვეყანაში არაფერი შეცვლილა.

"რაც ხდება ქვეყანაში, იგივე გრძელდება კინოშიც და თეატრშიც, ვერაფრით ვერ მოაცილეს კულტურის სამინისტროდან ბოროტების სიმბოლო, მანანა ბერიკაშვილი, რომელიც კბილებით იცავს კინოცენტრის ხელმძღვანელს, ნანა ჯანელიძეს. არაფერი არ შეცვლილა... აგერ, გიგი უგულავა გაამართლა საკონსტიტუციო სასამართლომ, თურმე არ შეიძლებოდა, მერობიდან რომ გაათავისუფლეს. ესენი მალე ბაჩო ახალაიასაც გამოუშვებენ, მერე ვანო მერაბიშვილსაც გაუშვებენ და რა გამოდის, ეს ყველაფერი იყო თვალის ახვევა? უკვე მერამდენედ უნდა დარჩეს ქართველი ხალხი მოტყუებული და გაღიმებული?! ....2003 წლიდან ერთი და იგივე ხალხი ყელყელაობს, ისევ ისინი მუშაობენ, ისევ ისინი დიდგულობენ... ისევ ის რეჟისორები იღებენ უნიჭო ფილმებს, რომლებიც მიშასა და ვანოს კლიპებს უკეთებდნენ. ტელევიზორს ვეღარ ვუყურებ, ყველა არხზე "ნაციონალები" სხედან, ისევ მაგათ ამღერებენ, ისევ მაგათ აცეკვებენ. ქუჩაში რომ გავდივარ, ირონიულ სახეებს ვხედავ - ამისთვის იბრძოდითო? ძალიან დიდი თავის შეკავება მჭირდება, რომ ზოგიერთს ხელით არ შევეხო. არ ვიცი, ეს უკვე ჩემს ძალებს აღემატება...... ნანა ჯანელიძე ისევ ყელყელაობს, მანანა ბერიკაშვილი აცხადებს, მე ვარ მაგისი ლობისტიო, კულტურის მინისტრი რაღაც უაზრო განცხადებებს აკეთებს, ტიპი გონზე არ არის, რა ხდება ამ ქვეყანაზე! ..... კულტურის სამინისტროს კითხვებს ვუგზავნი და დამცინიან, ერთი წლის წინანდელ პასუხებს მიგზავნიან, ახალი რომ დაწერონ, იმასაც არ აკეთებენ. ამათ რაზე უნდა ველაპარაკო, აღარ ვიცი. გეფიცები ადამიანობას, უკვე თავს ვიკავებ, რომ ვიღაცები ქუჩაში არ გავატყავო ღორებივით. მაგათში მე უკვე ადამიანებს ვეღარ ვხედავ! "- აცხადებს "კვირის ქრონიკასთან საუბარში ანჯაფარიძე