ბაქსვუდის საერთაშორისო სკოლა - თბილისმა ინოვაციური წინასაბაკალავრო პროგრამა შეიმუშავა, რომელიც მე-11 და მე-12 კლასელებისთვის არის განკუთვნილი. პროგრამის კონცეფცია შედგენილია ბაქსვუდის სკოლის სლოგანის მიხედვით -,,ვამზადებთ მომავლისთვის’’ (AD VITAM PARAMUS)!

რა არის ყველაზე ღირებული, რაც სკოლამ შეიძლება მისცეს მოსწავლეს? ეს კითხვა დიდხანს აწუხებდა სკოლის დამფუძნებლებს. ისინი ფიქრობენ, რომ სკოლის მიზანი არ უნდა იყოს მოსწავლის მხოლოდ კონკრეტული საგნობრივი გამოცდებისათვის მომზადება. მათ გადაწყვიტეს, შეემუშავებინათ მრავალფეროვანი ქართულ-ინგლისური წინასაბაკალავრო პროგრამა, რომლის ფარგლებში ბაქსვუდელი მოსწავლეები შეძლებენ გააზრებული პროფესიული არჩევანის გაკეთებას, შესაფერისი ქართული თუ უცხოური უმაღლესი სასწავლებლის შერჩევას, გაივლიან კომუნიკაციების საბაზისო კურსს, დაეუფლებიან ეფექტური პრეზენტაციის უნარებს, ისწავლიან გუნდურ მუშაობას, ჩაუტარდებათ ლიდერული უნარ-ჩვევების კურსი, დასაქმდებიან სხვადასხვა სტაჟირებაზე და ა.შ. პროგრამის ძირითადი მიზანია, მოსწავლე მომზადებული შეხვდეს ახალ, გამოწვევებით სავსე საუნივერსიტეტო ცხოვრებას, გააზრებული ჰქონდეს არჩეული პროფესია და იყოს უკვე კონკურენტუნარიანი კადრი დასაქმების ბაზარზე.

ბაქსვუდის წინასაბაკალავრო პროგრამას მრავალფეროვნებითა და შინაარსით საქართველოში ანალოგი არ აქვს. სპეციალურად არის შერჩეული გარდამავალი პერიოდი, რადგან მოსწავლეები ამ ასაკში ერთი მხრივ, ემზადებიან სკოლის დასრულებისათვის და მეორე მხრივ, ცდილობენ, განსაზღვრონ საკუთარი ინტერესები, პროფესია და ფუნქცია ცხოვრებაში. ძალიან მნიშვნელოვანია, ცხოვრების ამ ეტაპზე არ შეცდე და სწორი არჩევანი გააკეთო. ბაქსვუდის ხელმძღვანელები ფიქრობენ, რომ მოსწავლეებისათვის ამ უმნიშვნელოვანეს ეტაპზე სკოლას მეტი პასუხისმგებლობის აღება და მათი მომავალი წარმატებისათვის რეალური, მყარი საფუძვლის შექმნა შეუძლია.

აღსანიშნავია, რომ ბაქსვუდის უფროსკლასელთათვის, ინდივიდუალური პროგრამის საფუძველზე, ხდება მოსწავლეთა მომზადება საუნივერსიტეტო გამოცდებისათვის. სწავლა სასიამოვნოა მაშინ, როდესაც ის გაზიარებულია სხვებთან. ნუ აიძულებთ თქვენს შვილებს იარონ რეპეტიტორებთან. იპოვეთ მათთვის შესაფერისი სკოლა, რომელიც კომპლექსურად გასცემს მრავალმხრივ ცოდნას, მნიშვნელოვან ცხოვრებისეულ გამოცდილებასა და პრაქტიკულუნარ-ჩვევებს.

ბაქსვუდის წინასაბაკალავრო პროგრამასთან დაკავშირებით, ეწვიეთ სკოლის ვებ-გვერდს - www.buckswood.ge