ინტერნეტით გავრცელდა ინფორმაცია, რომ მუსიკალურ ფესტივალზე, რომელიც ზაფხულში ანაკლიაში იგეგმება, 16 000 უკრაინელი გოგონა ჩამოვა. ამან ქართველ მამაკაცებში დიდი სიხარული გამოიწვია. ამ თემაზე კომენტარი მსახიობ გივი სიხარულიძეს ვთხოვეთ:

- ცუდი ნამდვილად არ იქნება. პირიქით, წარმოიდგინეთ, რა კარგი სანახავი იქნება ამდენი ლამაზი გოგო ერთად. 16 000 უკრაინელი გოგო მთელ საქართველოს ეყოფა, რომ ბედნიერი იყოს და გეტყით რატომაც: ნეტა ისე მოხდეს, რომ ამ გოგოებთან ქართველმა ბიჭებმა ოჯახი შექმნან. ულამაზესი ბავშვები შეეძინებათ, უკრაინელის და ქართველის ნაჯვარი ულამაზესი ქმნილება იქნება. ასეთ ფაქტს ნამდვილად მივესალმები.

- როგორ ფიქრობთ, ამ 16 000 გოგონადან რამდენი იქნება ისეთი, რომელიც ქართულ ოჯახს შეეფერება?

- წესიერი და გათახსირებული ყველა ერს ყავს და ყველგან მოიძებნებიან. ჩვენ რომ ახლა მწერალი ბიჭები გვყავს: ზაზა ბურჭულაძე, ერეკლე დეისაძე, ზურაბ ქარუმიძე და სხვა ნაძირლები რომ არიან, მაგისთანა ქართველებს ნებისმიერი სხვა ეროვნების ადამიანი მირჩევნია.

- როგორც წესი, ასეთ მუსიკალურ ფესტივალებზე იმისთვის ჩამოდიან, რომ უბრალოდ გაერთონ და ხშირად მოიხმარენ მარიხუანას...

- თუ ამ გართობაში მარიხუანა იგულისხმება, მაშინ წყეულიმც იყოს ეგ ფესტივალი. თუ საქართველო მაგ დონეზე დაეცა, რომ მუსიკალური ფესტივალების დროს მარიხუანა გახდა საჭირო, წყეული იყოს ყველა ასეთი ფესტივალი და მისი ყველა მომწყობიც.

- როგორ ფიქრობთ, ფესტივალის დამთავრების შემდეგ ექნებათ ამ გოგოებს მეორედ ჩამოსვლის სურვილი?

- ჩვენ ისეთი მასპინძლები ვიქნებით, ეგენი ბედნიერები წავლენ აქედან. ჩემ ახალგაზრდობაში რომ ჩამოსულიყო ამდენი უკრაინელი გოგო, ჩემზე ბედნიერი კაცი არ იქნებოდა.

წყარო: კვირის პალიტრა