„ვირუსული მენინგიტის გავრცელებაში რაიმე გარემოს დამაბინძურებელი ფაქტორის გავლენა არ იკვეთება“, - ამის შესახებ შრომის, ჯანმრთელობისა და სოციალური დაცვის მინისტრმა განაცხადა.

"ეპიდემიოლოგების ვარაუდით, ეს არ არის გარემო ფაქტორით გამოწვეული, არამედ, ეს არის ამ ვირუსის ციკლურობის დამახასიათებელი თვისება", - განაცხადა დავით სერგეენკომ.

კითხვაზე, ხომ არ არის მისი გავრცელების საფრთხე მეზობელ სახელმწიფოებში, დავით სერგეენკომ განაცხადა, რომ ამ ტიპის დაავადებას არ ახასიათებს პანდემია, ანუ არ აქვს სხვა ქვეყნებში გავრცელების თვისება.

"ამის რისკები არ არსებობს. რაც შეეხება ლუგარის ლაბორატორიას, დაავადების წარმოშობას მასთან არანაირი კავშირი არ აქვს. ლუგარის ლაბორატორია დაგვეხმარა, რომ სწორი და სწრაფი დიაგნოსტიკა გაგვეკეთებინა ამ დაავადების გამომწვევის", - განაცხადა სერგეენკომ.

მისი ინფორმაციით, ამ დროისათვის აღრიცხულია ვირუსული მენინგიტის 161 შემთხვევა.