პატრიარქის ინიციატივით ხვალ აფხაზეთის დღე აღნინიშნება. ამასთან დაკავშირებით საპატრიარქო გაცხადებას ავრცელებს.

"ყოველი წლის 23 მაისი, მოციქულ სვიმონ კანანელის ხსენების დღეს, სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II გასულ წელს აფხაზეთის დღედაც გამოაცხადა. როგორც ცნობილია, წმინდა სვიმონ კანანელი სოხუმთან ახლოს, სოფელ კომანშია, დაკრძალული. ამდენად, ბუნებრივია, რომ მოციქულის მიმრქმელი ამ მხარის ზეიმი მის სახელს დაუკავშირდეს. წმინდა სვიმონ კანანელის ხსენებასთან დაკავშირებით საზეიმო მსახურება აღევლინება სვეტიცხოვლის საკათედრო ტაძარში, რომელიც 12 მოციქულის სახელზეა აგებული. ხუთშაბათს ლოცვა დაიწყება 17.00 საათზე, ხოლო წირვა პარასკევს - 10.00 საათზე. მსახურებას აღასრულებს გორისა და ატენის მიტროპოლიტი ანდრია გვაზავა. 23 მაისს, 15.00 საათზე კი საქართველოს საპატრიარქოში აფხაზეთისადმი მიძღვნილი კონფერენცია ჩატარდება", - ნათქვამია საქართველოს საპატრიარქოს განცხადებაში.