გარემოსა და ბუნებრივი რესურსების დაცვის სამინისტრო ბორჯომის რაიონის სოფელ ჭობისხევში მომხდარ ინციდენტს ეხმაურება.

როგორც განცხადებაშია აღნიშნული, ბორჯომში უკანონო სახერხი და უკანონოდ მოჭრილი მორებით დატვირთული ავტომანქანა აღმოაჩინეს.

„21 მაისს, საღამოს, ბორჯომის რაიონის სოფელ ჭობისხევში, ბორჯომ-ბაკურიანის სატყეო სამსახურმა ტყეში უკანონო სახერხი და უკანონოდ მოჭრილი მორებით დატვირთული ავტომანქანა აღმოაჩინა. ადგილობრივი მოსახლეობის მხრიდან სატყეო სამსახურისა და გარემოსდაცვითი ზედამხედველობის დეპარტამენტის თანამშრომელთა გამოჩენასა და ტექნიკის დემონტაჟს აგრესია და ფიზიკური დაპირისპირება მოჰყვა. ინციდენტისას სატყეო სამსახურის კუთვნილი ავტომობილი დაზიანდა, რომლის გამოც პოლიციის გამოძახება გახდა საჭირო“,- აღნიშნულია სამინისტროს მიერ გავრცელებულ განცხადებაში.