კულტურული მემკვიდრეობის დაცვის სააგენტო უარყოფს ინგუშეთში თამარ მეფის საფლავის შესაძლო აღმოჩენის ფაქტს

ცოტა ხნის წინ ამ თემასთან დაკავშირებით კულტურული მემკვიდრეობის სააგენტოში სპეციალური განცხადება გაკეთდა.

სააგენტოს განცხადებით, ყველა ისტორიული წყარო ადასტურებს, რომ თამარ მეფის საფლავი არის საქართველოში, ის გარდაიცვალა თბილისის მახლობად და სავარაუდოდ დაკრძალულია გელათის სამონატრო კომპლექსში.

შესაბამისად ქართული მხარე გეგმავს გაუგზავნოს წერილი ინგუშეთის მხარეს და კიდევ ერთხელ შეახსენოს, რომ თამარ მეფის საფლავი სწორედ სქართველოშია.

გავრცელდა ინფორმაცია, რომ ინგუშეთში მეწყერის ჩამოწოლის შედეგად უძველესი გამოქვაბულია აღმოჩენილი. კრუპნოვის არქეოლოგიური ცენტრის დირექტორის მოადგილე გამოთქვამს მოსაზრებას, რომ შესაძლოა იქვე მდებარეობდეს თამარ მეფის საფლავი.

"რიანოვოსტის" მიერ გავრცელებულ ინფორმაციას აკადემიკოსი მარიამ ლორთქიფანიძეც გამოეხმაურა. მარიამ ლორთქიფანიძე თამარ მეფის საფლავის ინგუშეთში აღმოჩენას გამორიცხავს.

„ჩვენ გვაქვს თამარის დროინდელი 2 ისტორიკოსის და ერთი მისი შვილის დროინდელი ისტორიკოსის ცნობა, სამივე ერთსა და იმავეს წერს, როდესაც თამარი გარდაიცვალა დაკრძალეს ,,სამარხთა მამათა და დედათა გელათსა" და ამას, რატომ არ უნდა ვენდოთ მაგალითად?,- განაცხადა მარიამ ლორთქიფანიძემ.