ევროპულ სტანდარტებთან შესაბამისობაში მოყვანის მიზნით პატიმრობის კოდექსში ცვლილებები შევიდა. აღნიშნულ ცვლილებების ცოდნა განსაკუთრებით მნიშვნელოვანია როგორც სასჯელაღსრულების სისტემის თანამშრომელთათვის, ასევე სისტემის ყოველდღიური ეფექტური ფუნქციონირებისათვის.

სასჯელაღსრულებისა და პრობაციის სასწავლო ცენტრს სამინისტროსთან ერთობლივად მნიშვნელოვანი წვლილი შეაქვს აღნიშნულ პროცესში: სასწავლო ცენტრმა სისტემის თანამშრომელთა ინფორმირების მიზნით დაიწყო სერიული ტრენინგები როგორც აღმოსავლეთ, ასევე დასავლეთ საქართველოში.

ტრენინგებს შესაბამისი სამსახურების მიხედვით, ეტაპობრივად გაივლის სისტემის ყველა თანამშრომელი. სწავლებას უძღვებიან იურისტები, რომლებიც თავად მუშაობდნენ აღნიშნულ ცვლილებებსა და კანონპროექტზე.