მსახიობი ოთარ კობერიძის საქმის პროკურორი 37 წლიან დუმილს არღვევს და მსახიობის საქმის შესახებ სკანდალურ დეტალებზე საუბრობს.

ყოფილ პროკურორთან აკაკი ჭანიასთან ინტერვიუ გაზეთმა "ასავალ-დასავალმა" ჩაწერა.

როგორც ჭანია აცხადებს, მან ოთარ კობერიძე არასრულწლოვანთა გარყვნილ ქმედებებზე აღძრულ საქმეზე პირადად დაჰკითხა და ბრალიც მან წაუყენა.

მისი განცხადებით, საქმეს ოთარ კობერიძის წინააღმდეგ კალინინის რაიონის პროკურატურა იძიებდა.

"პირადად დავკითხე ოთარ კობერიძე, საქმის მასალებს რომ გავეცანი, გეგმა შევადგინე. გამოვიტანე დადგენილება და მცირეწლოვანთა მიმართ გარყვნილი მოქმედებების მუხლით აღვძარი საქმე. დანაშაული 3 წლამდე თავისუფლების აღკვეთას ითვალისწინებდა. გეტყვით იმ გოგონების გვარებს, თუ მაგ ჩამწერს გამორთავთ, რომლებიც ცნობილი ოჯახების შვილები იყვნენ. 2 გოგონა იყო, ორივე ცნობილი მომღერლის ქალიშვილი, ერთი გოგონა პროკურორის მოადგილის ქალიშვილი იყო. ჯერ დაზარალებული ბავშვები დავკითხე, მერე კობერიძე და ანთიძე, ლია ელიავაც დავკითხე“,- ამბობს პროკურორი.

საგაზეთო ინტერვიუდან ირკვევა, რომ საქმის მასალებით 27 არასრულწლოვანი გოგონა დაზარალებულად იყო მიჩნეული. ყველა მათგანს სასამართლო-სამედიცინო ექსპერტიზაც ჩაუტარეს, მათ შორის 25 გოგონა ქალიშვილი აღმოჩნდა, ხოლო ორ გოგონას საქალწულე აპკი გახეული ჰქონდა და არ იყვნენ ქალიშვილები. ჭანიას განცხადებით, მაშინ ოთარ კობერიძემ დანაშაული აღიარა.

"აღიარა და მეტიც არ ქნა? რომ არ ეღიარებინა, მაშინ ჩვენ დავიჭერდით. თავიდან ბოლომდე აღიარა ყველაფერი!", - აცხადებს აკაკი ჭანია.

პროკურორი მსახიობის ერთ-ერთ დაკითხვას იხსენებს, სადაც ბრალდებულმა დაკითხვაზე დეტალურად უამბო მას, თუ როგორ ამყარებდა სექსუალურ კავშირს ბუზებთან აბაზანაში. თუმცა, პროკურორმა დაკითხვის ოქმი საქმის მასალებს არ დაურთო.

"მე ვკითხე… ოთარ, შენ ამას მართლა აკეთებ-მეთქი? – კი, რამდენჯერმე გავაკეთეო! – მიპასუხა. – ჰოდა, მაშინ შენ გასულელებულხარ- მეთქი! ეს მომენტი დაკითხვის ოქმში არ შეგვიტანია, ამის შეტანა იქ, როგორ შეიძლებოდა. საქმის მასალებში შევიტანეთ, თუ როგორ ამყარებდნენ კობერიძე და კოტე ანთაძე ბავშვებთან სექსუალურ ურთიერთობას, სულ ყველაფერი შეტანილია დაკითხვის ოქმებში. ორი ტომი საქმის მასალები არსებობდა. დაიწერა საბრალდებო დასკვნა და საქმე სასამართლოში გადაიგზავნა“, – აცხადებს აკაკი ჭანია.