ვლადიკავკაზიდან რამდენიმე დღის წინ საქართველოში გადმოსული 15–მდე მოქალაქე სამშობლოში დღეს დაბრუნდება. ამის შესახებ შინაგან საქმეთა მინისტრმა განაცხადა.

ვლადიკავკაზიდან გამოდსული მოქალაქეები ცოტა ხნის წინ სამშობლოში დაბრუნების თხოვნით დარიალის ხეობაში გახსნილ საგანგებო შტაბთან მივიდნენ.

მათი თქმით, ისინი საქართველოს ტერიტორიაზე 2 დღის წინ, მეწყერის ჩამოწოლამდე გადმოვიდნენ, ახლა კი უკან დაბრუნებას, გზის არარსებობის გამო ვერ ახერხებენ.

„მე აქ სტუმრად ჩამოვედი და უკან ვეღარ ვბრუნდები. მაინტერესებს, რატომ ვერ ხერხდება 10 ადამიანის უკან დაბრუნება, როცა აქ ამდენი ტექნიკა მუშაობს. არ ვიცი, კიდევ რამდენ ხანს მომიწევს ლოდინი“, – აცხადებს ზარიფა მარსაგიშვილი–ქაბოლოვა.