მწერალი გურამ დოჩანაშვილი ანტიდისკრიმინაციული კანონპროექტის წინააღმდეგ დაგეგმილ აქციას არ უერთდება. მიუხედავად იმისა, რომ დოჩანაშვილი საპროტესტო მოწოდებას ხელს აწერს, აქციებში მონაწილეობაზე უარს აცხადებს.

„სოდომ-გომორის ცოდვის სასტიკი წინააღმდეგი ვარ და სამარცხვინოდ მიმაჩნია, მაგრამ მე რომ მოწოდებას ხელი მოვაწერე არ მიგულისხმია, რომ ქუჩაში გამოვიდეს ხალხი და მომხრეებმა და მოწინააღმდეგეებმა ერთმანეთს დააარტყან. მითუმეტეს, რომ ამ საკითხზე ჩვენმა პატრიარქმა სწორედ და სამართლიანად ისაუბრა“, - განაცხადა მწერალმა.