„დიდი ჟულიკი ადამიანია ჩემო ბატონო, ესეც ნიჭის ამბავია ალბათ“ - ასე შეაფასა რეჟისორმა ლევან წულაძემ მსახიობი მიშა მესხი, რომელმაც სწორედ ამ თავისი გენიალური ჟულიკობით ბრწყინვალე შოუ დადგა და დარბაზში არა მარტო მაყურებელი, მოხიბლული ჟიურის წევრებიც ლამის აიყოლია. „ლამის მეც ვიცეკვე“, -თქვა ინგა გრიგოლიამ. „კი აგერია დაგერია, მაგრამ ისეთი მოსაწონი და საინტერესო არეულ-დარეული იყო, რომ ყოჩაღ“, - განაცხადა ჟიურის მკაცრმა წევრმა გოჩა ჩეტკოევმა. ამ არევ-დარევას არც ნინო სუხიშვილი აუღელვებია.

ნინო სუხიშვილი: „ეს საოცარი ცეკვაა, ნინო და ილიკო ასრულებდნენ, სხვათაშორის ილიკოც ასე ანცურად ცეკვავდა, უფრო ხუმრობით, მე ძალიან მომწონს მიშას ცეკვის სტილი ნამდვილად კარგი შოუ იყო“ .

მიშა მესხი: „ამ ცეკვას უდიდესი პიროვნებები ცეკვავდნენ, ჩვენი ქვეყნის სათაყვანო ადამიანები, ამ ადამიანების მერე მე რა ილეთით უნდა გამეკვირვებინეთ, ერთადერთი ჩემებურ ვარიანტს თუ შემოგთავაზებდით ისეთს რომ უბრალოდ გავერთობოდით. ვეცადე და რაც შემეძლო გავაკეთე.“