"მეცხრე არხის" ყოფილი თანამშრომელიები, რომლებსაც "მეცხრე არხის" საეთერო სივრცეში დაბრუნება სურდათ მაისის ბოლოს ახალ სამაუწყებლო კომპანიას დააფუძნებენ.

პირველი ქართული საერთაშორისო სამაუწყებლო კომპანიის (Georgian International Broadcasting Company -ს (GIBC) დამფუძნებელი რამაზ სამხარაძე, რუსუდან წერეთელთან და გიორგი ფოფხაძესთან ერთად 100 მდე ყოფილი "მეცხრე არხელი" იქნება.

"ჩვენ ვმუშაობთ ახალ სამაუწყებლო კონცეფციაზე და მაისის ბოლოს "მეცხრე არხის" ყოფილი დაახლოებით 100 მდე თანამშრომელი კერძო სამაუწყებლო კომპანიას დავაფუძნებთ. ამ ეტაპზე მიმდინარეობს

კონსულტაციები სხვადასხვა ფინანსურ ჯგუფებთან, მათ შორის საზღვარგარეთ", - განაცხადა რამაზ სამხარაძე.

რამაზ სამხარაძის განცხადებით, ესენი არიან ბიზნეს სექტორის და ქართული ემიგრაციის წარმომადგენლები.

სამაუწყებლო კომპანია "GIBC" რამდენიმე ენაზე განახორციელებს მაუწყებლობას. დამფუძნებლების განცხადებით, სამაუწყებლო ფორმატის დიდი ნაწილი დაეთმობა საინფორმაციო და საზოგადოებრივ-პოლიტიკური ფორმატის გადაცემებს.

წყარო: რადიო ჰერეთი