„რუსთავი 2“-ის გენერალური დირექტორის ნიკა გვარამიას განცხადებით, დღეს გადაწყდება დარჩება თუ არა ნინო შუბლაძის საავტორო გადაცემა „პოზიცია“ საეთერო ბადეში.

როგორც „ნიუპოსტს“ გვარამიამ განუცხადა, აღნიშნულ საკითხზე ტელეკომპანიაში დღეს იმსჯელებენ.

„ამ საკითხზე დღეს ვიმსჯელებთ და მივიღებთ გადაწყვეტილებას“, - განაცხადა ნიკა გვარამიამ.

რაც შეეხება კითხვას იგეგმება თუ არა კიდევ ტელეკომპანიაში საკადრო ცვლილებები, გვარამია პასუხობს:
„ამ ეტაპზე არაფერი იგეგმება , თუმცა მუდმივად ცვლილებებში ვართ, რადგან უნდა ვპასუხობდეთ დროს“.

ტელეკომპანია „რუსთავი 2“-ის გენერალური დირექტორის პირველმა მოადგილემ ნინო შუბლაძემ თანამდებობა გუშინ დატოვა. მას გადაცემა „კურიერის“ წამყვანი ზაალ უდუმაშვილი ჩაანაცვლებს.