უზენაესი სასამართლოს თავმჯდომარეს კონსტანტინე კუბლაშვილსა და თურქეთის სასამართლო დელეგაციას შორის ამ წუთებში შეხვედრა მიმდინარეობს.

დელეგაციას თურქეთის უზენაესი სასამართლოს თავმჯდომარე, ალი ალკანი ხელმძღვანელობს.

ვიზიტის მიზანია, საქართველოსა და თურქეთის სასამართლოებს შორის ურთიერთობის გაღრმავება და საქართველოს სასამართლო სისტემის რეფორმასთან დაკავშირებული ინოვაციური პროექტების შესახებ ინფორმაციის მიწოდება. დელეგაციის წევრები გაეცნობიან როგორც საქართველოს უზენაესი სასამართლოს საქმიანობის მიმართულებას, ასევე ზოგადად ქართული სასამართლოს სისტემის მოდელს და მოწყობის ძირითად პრინციპებს. ასევე, საუბრის საგანია, ქართულ სასამართლო სისტემაში მიმდინარე რეფორმები.

თურქეთის დელეგაციის წევრები უზენაესი სასამართლოს თავმჯდომარე, კონსტანტინე კუბლაშვილთან ერთად ხვდებიან იუსტიციის უმაღლესი საბჭოს მდივან, ლევან მურუსიძეს, იუსტიციის უმაღლესი სკოლის დირექტორს ლაშა მაღრაძეს. თურქი მოსამართლეები თბილისის და მცხეთის საქალაქო სასამართლოებს ეწვევიან და უზენაეს სასამათლოში სტუმრობისას"მართლმსაჯულების მუზეუმს" დაათვალიერებენ, სადაც გამოფენილია ხელნაწერთა ეროვნულ ცენტრში დაცული თურქული ხელნაწერები.

თურქეთის სასამართლო დელეგაცია თბილისს15 მაისს დატოვებს.