მახათას მთაზე ღვთისმშობლის ტაძარში პირველ წირვას ყოფილი პრემიერი ბიძინა ივანიშვილი ესწრება.

ივანიშვილი მახათას მთაზე მეუღლესთან, ეკატერინე ხვედელიძესთან ერთად მივიდა.

დღეს მახათას მთაზე, ყოვლადწმინდა ღვთისმშობლის ტაძარში პირველი წირვა მიმდინარეობს.

ეკლესიაში ამერიკიდან ჩამობრძანებული ივერიის ღვთისმშობლის მირონმდინარე ხატი დილიდან დააბრძანეს.

სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი, უწმინდესი და უნეტრაესი ილია მეორე ღვთისმშობლის პარაკლისს გადაიხდის.