„მე მიყვარს ეს შოუ, მაგრამ მძულს ეს ნაწილი, ეს არის სასტიკი და ყოვლად მიუღებელი ჩემთვის. ძალიან ვნერვიულობ“- ეს სტეფანეს სიტყვებია.

საბედისწერო 4 სკამი და ერთმანეთს ჩანაცვლებული ნიჭიერი მუსიკოსები. მუსიკალური მეგა შოუს ახალი ეტაპი საკმაოდ მძიმე გამოდგა კონკურსანტებისთვის. მკაცრი წესებით გამორჩეული იქს ფაქტორმა მენტორი სტეფანეც კი დააბნია. რაზეც გიორგი გაბუნიამ იხუმრა კიდეც „სტეფანე იმდენს ნერვიულობს რომ ცოტა ხანში აქ მეხუთე სკამი გათავისუფლდება. კონკურსანტების რაოდენობა კი მოიმატებს, მაგრამ სტეფანეს დავკარგავთ ცოტა ხანში“. სტეფანემ კი ბევრი ნერვიულობისა და ორჭოფობის შემდეგ კონკურსში შემდეგი მონაწილეები დატოვა. სოფო სააკაშვილი, მარიამ კახელიშვილი, თამუნა შავერდაშვილი და თამუნა ტეტიაშვილი დატოვა.