„არ ვაპირებდი, ამ თემას გამოვხმაურებოდი“, - ამბობს ლიტერატორი ლელა კოდალაშვილი, თუმცა, რეალობას ვერსად გაექცა. რეალობა კი ყველაზე კარგად დღეს ვირტუალურ სამყაროში აისახება. გსურს თუ არ გსურს, მოვლენათა თანამონაწილეც ხდები. ხოლო, როცა ინბოქსში პრეტენზიული წერილებით გიკლებენ პასუხის გაცემის სურვილიც ჩნდება...

ლელა კოდალაშვილი: „არ ვაპირებდი, ამ თემას გამოვხმაურებოდი, რადგან ისედაც წაიღო ტვინი სრულიად ფეისბუკმა კონჩიტას წვერ-ულვაშით... მაგრამ დღეს უკვე მეექვსე წერილი შემომდის ინბოქსში პრეტენზიით - ეს გინდათ? ამას აპრავებთ? ვაი, თქვენისთანა ქართველებს და ა.შ. არ ვიცი, ამ ხალხს ევროვიზიის ჟიურის წევრი ვგონივარ თუ ორგანიზატორი... იმის მაგივრად, რომ ამ უადამიანებო და უნიჭო სამყაროში ადამიანი და ნიჭიერება ვეძებოთ, ლუპით ვათვალიერებთ, რომ როგორმე რამე ხინჯი ვიპოვოთ... ჰოდა, ვინც ვოკალურ თუ სხვა შემოქმედებით თუ ადამიანურ რესურსებს წვერის სიგრძით ზომავს, ვინც სხვის საწმერთულში იყურება, ნეტავ, რა ორგანო აბიაო, ვინც აკონტროლებს, კაცი კაცს ჟიმავს თუ ქალი ქალს... ჩემი უმორჩილესი თხოვნაა, თავად წაიშალონ თავი ჩემი ფრენდ ლისტიდან. მე მათი დევნა არ შემიძლია და არც მათი უნაოჭო ტვინის მიერ შეთხზული ,,ქართული ფასეულობები" არ მაინტერესებს...