ევროვიზიის თემა ისევ განხილვის საგანია საქართველოში. მარიკო ებრალიძის, შინისა და ყბადაღებული კონჩიტას კრიტიკა-დაცინვის შემდეგ საქართველოს მიერ შეფასებული რუსეთი და უკრაინა დადგა დღის წესრიგში. „ მართლა 8 ქულა მიიღო რუსეთმა საქართველოდან?“ - კითხულობს ტელეწამყვანი ეკა ხოფერია და თან გაბრაზებით დასძენს - „არა, მართლა დამანახა ერთი ის ადამიანი, რუსეთს რომ სმსს უგზავნის“. ამასთან დაკავშირებით ანრი ჯოხაძეს შემდეგი პასუხი აქვს - „ეს ქულები გასცა ეგრედ წოდებულმა აჟიურიმ, რომელსაც არჩევს ჩვენი საზ მაუწყებელი, ილუზიაა იმის მტკიცება რომ მესიჯებით მოხდა ხმათა გადანაწილება“. სიბრაზეს ვერც უკრაინაში მყოფი ქართველი დიზაინერი ბიჭოლა მალავს: „საქართველომ რუსეთს დაუწერა 8 ქულა და უკრაინას 6 ??? მალადეც გრუზია!“- აცხადებს ის.