"რუსთავი 2"-ის გადაცემა "განსხვავებულ აქცენტებში" გასულ ფარულ ჩანაწერებთან დაკავშირებთ კომენტარი გააკეთა გაზეთ ,,რეზონანსის“ მთავარმა რედაქტორმა. ლაშა ტუღუში მიიჩნევს, რომ პროკურატურას დაკარგული პორტატული აპარატურის შესახებ საკთხის გარკვევა დიდი ხნით ადრე შეეძლო.

"პროკურატურა რომ ამბობს, არსებობდა რაღაც პორტატული აპარატურა, რომელიც ადრე შეუძენია კუდ-ს და ახლა გაიგეს თურმე, რომ არსებობდა და შეიძლება ამითი ხდებოდა მოსმენები, მათ შეეძლოთ ამის გარკვევა ძალიან დიდი ხნით ადრე. მით უმეტეს, ძალიან დიდი ხანია, ამაზე არის საუბარი და, შესაბამისად, ცოტა უცნაურია. მეჩვენება, რომ ვებრძვით შედეგებს და არა მიზეზებს", - განაცხადა ტუღუშმა.