ნინო შუბლაძე იმ დღეს იხსენებს რომელიც პროკურატურის კადრებშია ასახული

საზოგადოება - 19:38, 09 May, 2014

3858

ტელეკომპანია „რუსთავი 2“-ის გენერალური დირექტორის მოადგილე ნინო შუბლაძე იმ დღეს იხსენებს, რომლიც კადრებში სათვალთვალო კამერის მიერ არის ასახული.
შუბლაძის თქმით, ეს დღე 21 დეკემბერია, მისივე თქმით, ეს არის ის დღე, როდესაც არხის გენერალური დირექტორი ნიკა გვარამია დაკავებული იყო.
„ჩვენ მაშინ გამოვთქვით, ეჭვი, რომ ნიკა გვარამიას სამუშაო ოთახიც ისმინებოდა, ამიტომ არხის დამფუძნებელმა მიიღო გადაწყვეტილება და ამან ჩაგვაყენა საქმის კურსში, ჩვენ გაფრთხილებულები ვიყავით, რომ მოვიდოდნენ სპეციალისტები, რომლებიც შეამოწმებდნენ ნიკა გვარამიას ოთახს, რომელიც იმ დღეებში დაკავებული იყო და მაშინ გადავწყვიტეთ, რომ სამივე ოთახი შემოწმებულიყო. ჩემი, ნიკა გვარამიასი და მისი მოადგილის, რაიმე მოსასმენი მოწყობილობა ჩვენს ოთხაშიც ხომ არ იყო. ეს იყო მისია, რის გამოც მოხვდნენ ეს ადამიანები ჩვენთან. შემდეგ მე გავედი სამსახურიდან და დუდუ კურდღელიას ვთხოვე, რომ ჩემი ოთახისთვისაც მიექცია ყურადღება, ვიფიქრე, რომ მაინც უცხო ადამიანები იყვნენ. ეს იყო და ეს, ამის შემდეგ მე რამდენიმე საათში დავურკე დუდუს, მაინტერესებდა აღმოჩნდა თუ არა რაიმე მოწყობილობა ჩემს ოთხაში და მან მითხრა რომ არა“,- განაცხადა სპეციალურად გამართულ პრესკონფერენციაზე ნინო შუბლაძემ.