სპორტისა და ახალგაზრდობის საქმეთა მინისტრის ინფორმაციით, 26 მაისს აღლუმი სავარაუდოდ არ გაიმართება.

მისი განმარტებით, 26 მაისი აღინიშნება, თუმცა ის განსაკუთრებული პომპეზურობის გარეშე ჩაივლის.

"იქნება ზედმეტი პომპეზურობის გარეშე, მაგრამ ჩვენი ხალხი აუცილებლად აღნიშნავს ამ დღესასწაულს ისე, როგორც ეკადრება", -განაცხადა ყიფიანმა.

26 მაისის საორგანიზაციო კომისია დღეს შეიკრიბება. საგარეო საქმეთა მინისტრის თქმით, საორგანიზაციო საკითხებზე სამთავრობო კომისია მუშაობს.

კულტურისა და ძეგლთა დაცვის მინისტრის თქმით კი 26 მაისი იქნება ერთ-ერთი საუკეთესო დღესასწაული. მისი უწყებიდან კომისიის მუშაობაში ჩართულია მისი მოადგილე ბადრი ბაგრატიონ-გრუზინსკი.