ექსკლუზივი: შალვა რამიშვილი - „რუსთავი 2 -ის მორიგი პროვოკაცია“

საზოგადოება - 12:01, 06 May, 2014

4655

„დეშოვი ტყუილი! არანაირი მტკიცებულება!“ - წერს შალვა რამიშვილი ,,ფეისბუქის" საკუთარ გვერდზე, ის ამ სიტყვებით ,,რუსთავი 2" -ის მიერ გაკეთებულ განცხადებას ეხმაურება. ნიკა გვარამიას განცხადებით ტელეკომპანიაში მოსასმენი მოწყობილობა აღმოაჩინეს. „ნიუპოსტთან“ საუბრისას შალვა რამიშვილმა აღნიშნა, რომ ტელეკომპანიას სათვალთვალო აპარატურასთან დაკავშირებით არანაირი მტკიცებულებები არ აქვს და ეს „რუსთავი 2 “-ის მორიგი პროვოკაციაა.
შალვა რამიშვილი: „როდესაც ამგვარ მწვავე განცხადებას აკეთებ და ტელეკომპანიას პრაქტიკულად ხელისუფლების ოპოზიციაში აყენებ და მოუწოდებ მედია საზოგადოებას, რომ დაგიცვან უფრო მეტი მტკიცებებულები უნდა გქონდეს. მათ ვერ იპოვეს სათვალთვალო კამერები და საუბრობენ გაუგებარ ინფორმატორზე, რომელსაც რა თქმა უნდა არ დაასახელებენ, იტყვიან რომ ეს არის ჟურნალისტის უფლება არ დასახელოს წყარო. ტელევიზიაში ბევრი კამერაა, მათ შორის სხვადასხვა ფორმატის კამერები და თავისუფლად შეეძლოთ თავად გადაეღოთ ეს ყველაფერი და შემდეგ აეტეხათ ამგვარი ვაი-ვიში. იმისთვის, რომ მიუკერძოებელმა ადამიანმა ეს დაიჯეროს გაცილებით მეტი მტკიცებულებებია საჭირო. რატომ არ გამოაქვეყნეს ეს მტკიცებულებები? ელოდებიან, რომ ნაწილ-ნაწილ მოგვაწოდონ? მე ვეთანხმები საქართველოს მოსახლეობის ნახევარს, რომელსაც ,,რუთავი-2" მიაჩნია ,,ნაც. მოძრაობის" ქვედანაყოფად. ,,ნაციონალურ მოძრაობას" ახლა ძალიან უჭირს. არჩევნებში მესამე ადგილზეც ვერ გადიან ჩემი აზრით. მეორე ადგილის შანსიც არ არის, ცენტრიდან მოვიდა დავალება, რომ რაიმე პროვოკაცია მოეწყოთ, ამიტომ ჟურნალისტები აღმოჩნდნენ ,,ნაციონალური მოძრაობის" ლიდერების, მათ შორის მათი დირექტორის გავლენის ქვეშ, ისინი წავიდნენ ,,ვა ბანკზე" და გადავიდნენ სრულიად გაურკვეველ შეტევაზე, რომელიც ძალიან ცუდად დამთავრდება ტელევიზიისთვის“.