„რუსთავი 2“-ის ხელმძღვანელობამ და ჟურნალისტებმა საგანგებო განცხადება გააკეთეს, მანამდე კი ტელეკომანიის გენერალურმა დირექტორმა ნიკა გვარამიამ ფარული მოსმენების შედეგად დაზარალებულებს ბოდიში მოუხადა:

„მსურს ვისაუბრო, წინა წლებში დამკვიდრებულ და მათ შორის პირადად ჩემი არც თუ ისე პასუხისმგებლობიანი დამოკიდებულების შესახებ, ფარული ჩანაწერების გავრცელებასთან დაკავშირებით და ჩემი მხრივ მინდა ბოდიში მოვიხადო იმისთვის, რომ მონაწილეობა მაქვს მიღებული ამ მანკიერი პრაქტიკის ჩამოყალიბებაში, მართალია ყველა ის ჩანაწერი, რომელიც მე ხელთ მქონდა იყო მოპოვებული ლეგიტიმურად და მათი გავრცელება შეიცავდა სახელმწიფო დისკრეციას, მიუხედავად ამისა, მიღებული იქნა არასწორი გადაწყვეტილება და ამ პრაქტიკით შეილახა დემოკრატიის დაცული ფუნდამენტური სიკეთე. ადამიანებმა ვინც ფიგურიერებდა ამ ჩანაწერებში, მიიღეს რეპუტაციული და მორალური ზიანი, რისთვისაც გულწრფელად გამოვხატავ ჩემს წუხილს“, - განაცხადა გვარამიამ.