არის თუ არა გლდანის ტბა დაბინძურებული - გარემოს დამცველი ერთ-ერთი ორგანიზაცია გარემოს დაცვის სამინისტროს სპეციალური განცხადებით მიმართავს.

უფლებადამცველთა შეშფოთების მიზეზი ტბის ტერიტორიაზე გამორიყული მკვდარი თევზებია. ეკოლოგიური მდგომარეობის შესასწავლად ადგილზე უკვე დაიწყო სპეციალური კვლევების ჩატარება.

„ცხოველთა დაცვის საზოგადოების“ თავმჯდომარის ვახტანგ მამალაძის თქმით, თევზი „კარჩხანა“ ყველაზე ამტანი თევზია და ინფექციების მიმართ ნაკლებად მგრძნობიარეა.

ორგანიზაციის თავმჯდომარემ უკვე მიმართა გარემოს დაცვის სამინისტროს ტბის ბიოგეო ცენოზის შესწავლის მოთხოვნით.