პაატა ქურდაძე: „ამათ მგონი მართლა ახალი დაკლული "პიდარასტების" სისხლი სწყურიათ“

საზოგადოება - 11:48, 05 May, 2014

4706

„ჯონდი ბაღათურიას ვიდეო ჟულიკობა, ნახევარუჯრედიანი პრიმიტივი „ჟუნალისტები“ და უბადრუკთა მანიაკალური კომენტარები“, - ეს, უცხოეთში მოღვაწე ქართველი ხელოვანის პაატა ქურდაძის შეფასებაა.

„საქართველოში ტექნოლოგიური პროგრესი ბევრად უსწრებს წინ ადამიანების გონებრივ განვითარებას“ - წერს ის და ქვეყანაში არსებულ დისკრიმინაციულ გამოსვლებს ამგვარად აფასებს.

პაატა ქურდაძე: „ჯონდი ბაღათურიას წვრილმან ვიდეო ჟულიკობაზე ვიღაც ნახევარუჯრედიანი პრიმიტივი "ჟუნალისტების" დაწერილ უბადრუკობებზე გაკეთებულ ასობით მანიაკალურ კომენტარს, რომ ვკითხულობ, კიდევ უფრო ვრწმუნდები, რომ საქართველოში ტექნოლოგიური პროგრესი ბევრად უსწრებს წინ ადამიანების გონებრივ განვითარებას. ასეთი ტვინგაშეშებული კანიბალებისთვის ინტერნეტი იგივეა, რაც ახლახანს აღმოჩენილი ესკიმოსების ხელში "ცეცხლოვანი სითხე", ან შიმპანზეს ხელში ჩახმახშემართული რევოლვერი. ყველაზე ბინძური ლექსიკით მაინც ჩვილ ბავშვებთან ერთად გადაღებული გაურკვეველი ასაკის მამაკაცები გამოირჩევიან, აგრეთვე ასევე გაურკვეველი ასაკის მანდილოსნები, როლებიც თავისი აგრესიული მანიაკალური ფანტაზმებით ბევრად უსწრებენ, იმ სამხრეთამერიკელ იდიოტ და გულისამრევ ფემინისტებს, ჯონდი ბაღათურიას ასისტენტების მიერ youtube- ზე "დიდი ინტელექტუალური კვლევის" შედეგად მოპოვებულ ვიდეოში, კათოლიკე ბერებს და მრევლს, რომ აფურთხებენ... ამათ მგონი მართლა ახალი დაკლული "პიდარასტების" სისხლი სწყურიათ და მათი უმი ცხელ-ცხელი ხორცის წარმოდგენაზე ნერწყვები სდით... ასე, რომ, რაც შეიძლება ხშირად მოიწვიეთ ჯონდი ბაღათურია სტუდიაში ძვირფასო ტელედივებო, პუბლიკაში კი მისი იტერნეტ-კანიბალები! ღმერთი ხარობს, როცა თავის კაციჭამია კრავებს უსმენს, თქვენ და თქვენს პროდუსერებს კი გაწეული სამსახურისთვის რეიტინგით დაგაჯილდოვებთ...მოგეხსენებათ უფალი ყველგანაა, თვით ინგა გრიგოლიას დეზერტირის ბაზარივით გადატენილ სტუდიაშიც კი..:(:(
PS... და მერე იტყვიან სად ხედავთ დისკრიმინაციას, სახლში ვინ უვარდებაო! ცემის, წამებისა და სიკვდილის მუქარის ქვეშ ცხოვრება, როგორც ჩანს სახლში შევარდნა და დისკრიმინაცია არ გონიათ ჯონდის და მის მერობის კანდიდატს:(:( ეს გაცილებით უფრო შემაშფოთებელია ვიდრე ჰომოფობია და ქსენოფობია... ადამიანების დიდი ნაწილი ჰომოფობი და ქსენოფობია და ეს არავის უკვირს. საკუთარი გრძნობების ასე გამოხატვა, რაღაც ბევრად უფრო ცუდი და საშიში ფენომენია.