დღეს დილით, დაახლოებით 10 საათისთვის თბილისი-ლესელიძის საავტომობილო გზატკეცილის ოკამის მონაკვეთზე პომიდვრით დატვირთულ ტრაილერს ცეცხლი გაუჩნდა. სატვირთო ტრანსპორტზე ალი საბურავებიდან ავიდა. ამჟამად ცეცხლი ლოკალიზებულია, შემთხვევის დროს არავინ დაშავებულა.

საქართველოს საგზაო დეპარტამენტის პრესსამსახურის ცნობით, სატვირთო ავტომანქანა კერძო პირს ეკუთვნის: ,,შემთხვევას საგზაო მოძრაობის შეფერხება არ გამოუწვია. შესაბამისი სამსახურები კი გამოიძიებენ ფაქტის დეტალებს. როგორც ჩვენთვის გახდა ცნობილი, ცეცხლი საბურავებიდან გაჩნდა და მანქანა პომიდვრით იყო დატვირთული.” – გვითხრეს დეპარტამენტში.

ოკამის ტერიტორიული ორგანოს რწმუნებულის ინფორმაციით, ტრაილერს ქართველი მძღოლი მართავდა.

წყარო: qartli.ge